*هادي واحد الطيابة في العراس ، مرضت بكثرة الدخان ديال الفاخر ، اللي كتشموا ملي كاتكون كتطيب في الزرود ، وما فاقت إلا في المستشفى ، وتم سولها الطبيب شكون أنا؟ قالت ليه أنت السفة ، قال ليها على هاد الحساب إلى زدتي عشتي كتر دردري علي القرفة.

*هذا واحد القرزاز مشى مع ولدو للسوق ، الولد هز بيمو وشيكولا ، فالأب قال ليه : أش هاد الشي أولدي ، الولد قال : الوالد هاد الشي كيعجبني ، الوالد : وعلاش لا أولدي ، يالاه بوسهوم وردهم لبلاصتهم أولدي العزيز؟؟

*هادا واحد عندو واحد الكتكوت مفترس. كيديرو مع الدجاج كياكل ليه الدجاج. دارو مع الحوالا خرج ليه على الحوالا. دارو مع البقر، لقاه فرتك ليه البقر. الراجل طلع ليه الدم وهي يدي داك الكتكوت رماه ف الصحرا
مللي دازو 3 ايام، الراجل بقى فيه الكتكوت قال يمشي يطل عليه. مللي وصل للصحرا لقاه مرمي ف الرملة والنسور كيحومو عليه. جرا عندو الراجل وقال ليه: مييييمتي الكتكوت ديالي مات
قال ليه الكتكوت : الله يعطيك الويل خرجتي ليا على البلان

*هذا شي واحد تزوج واحد المرا حاذقة بزاف
الليلة الاولة فاق فنص الليل مشى لبيت الما
ملي رجع لقاها جمعت الفراش وطيبت الفطور

*هذو 2 دراري صحاب شراو دجاجة باش يطيبوها ويقسموها
دار واحد ف لاخور قاليه انا عطيني غي ديك الشي اللي كبدا سميتو بالقاف
لاخور ضرب الحساب قال انا غادي نشمتو ...
....سمية القاف قليلة في الدجاجة
ملي وجدت الدجاجة قال ليه هاك ها اللي طلبتي ها القنصة ها القرجوطة ها القلب
دار فيه صاحبو اللي طلب القاف قال ليه
زيدني القدم اليمنى والقدم اليسرى والقفص الصدري
..............((اش خلا ))
ضار فيه لاخور طالع ليه الدم قال ليه
ايوا صافي ...........سميها قجاجة وخوذها كاملة


*حمار قال لخطيبته: إيمتا غادي نتجوجو أ الحمارة؟
قالت ليه: حتى تعرف تهدر أ الحيوان