أما بعد...
فإن المثل الشعبي و الحكم العامية تعتبر صفوة الاقوال و عصارة الافكار لاجيال سبقتنا و فد أحسن من قال سال المجرب وما تسالش الطبيب، فمن جرب الأمور يكون لديه مخزن واسع من العبر و جامعة من المعارف .. وقد اجمع المتحدثون على صوابه و الاستشهاد به في مواقف الجدل و مختلف ضروب الكلام
و هذه بعض الاقوال الشعبية الجزائرية المتداولة اتمنى ان تنال رضاكم.

حكمة : الصّمْت الذّهــب المشـذّر ~ و الكلام يفسّد المســالة
و اللي سمعت بيها لا تخبّر ~ و إيذا سالوك قول لالا.

حكمة: لسانك سلطانك صُنتو صانك ، هُنتو هانك.

ــ اللي ما رضّى والديه لا خير فيه.

ــ امشي مع اللّي يقدّك، و يودّك ، ويعرف قيمتك و قيمة جدّك .

ــ اللي فاتو الطّعام يقول شبعت ، و اللّيفاتو الكلام يقول سمعت.

ــ خير الماكلة ما خضر ، و خير الللّبسة ما ستر، و خير الأسماء محمّد خير البشر.

ــ المسلوخة تضحك على المذبوحة ، و المقطّعة شبعت عليهم ضحك!!!؟

ــ اللّي يزرع الرّيح يحصد غبارو .

ــ كمشة نحل خير من شواري ذبّان !!

ــ اللّي ما في بطنو التّبن، ما يخاف من النّار.

ــ كي كان حي شاتي تمرة و كي مات علقولو عرجون.

ــ ابكي يا قلبي على اللّي ماتو ، وماتبكيش على اللّي فارقك في حياتو.

ــ اللّي خلّص دينو شبع.

ــ الفاهم بغمزة و البهيم بدبزة.

ــ مين كانت قادّة (نقطة فوق القاف) كنت تقولي يا دادّة ، و كي طاحو الرّكايب وليت تقولي يا العايب.

ــ الكلمة ليا و المعنى لجاري

ــ تسالــني و الصّــوارد ما عنديــش ~ و عاذوك اللّي راني منهم في حالة
هاذوك اللّي قلبو الغالي عاد رخيس ~ و اللّي كانو رخاص ولاّو رجّالة.

ــ من عندي ومن عندك تنطبع ، و من عند واحد فريد تنقطع.

ــ الحديث قياس فيه الفضة و فيه النحاس.
ــ حكمة بلا شيخ ما تتعلمها.

ــ الحمار حماري و أنا راكب من اللور.

ــ الفم المزموم ما يدخله ذبانة.

ــ إيلا كنت زين أستر روحك من العين ، وإيلا كنت شين أستر روحك من الفضايح.

ــ الراعي و الخماس يتعافرو على ملك الناس.

ــ اقصد الدار الكبيرةإيلا ماتعشيتش تبات دافي.

ــ حج وزاير بير زمزم و جاء للبلاء يتحزم.؟؟

ــ واش من مرقة حرقت شواربك؟؟

ــ خرج من الحبس طاح في بابه.

ــ دير كيما دار جارك و لا بدل باب دارك.

ــ لا تكثر على الملوك لايملوك

ــ لا لقيت صاحبك عسل ما تلحسوش ، ولا لقيتو داب ما تركبوش.
ــ خالط العطار تنال الشموم، و خالط الحداد تنال الحموم، و خالط السلطان تنال الهموم.

ــ اللي ماهو ليك غير يعييك.

ــ الكلب إيدا نبح ما عض ما جرح.

ــ خضار و عشاه لفت.

ــ خنفوسة تلهيني ولا غزالة تشقيني ؟؟

ــ اللي فاتو وقتو مايطمع في وقت الغير .

ــ الزين عمرو ما عمر البيت.

ــ قدو قد الغولة وحسو حس الغولة.

كول وش يعجبك و ألبس وش يعجب الناس.
أنا نحفرلوا في قبر أمو وهو هاربلي بالفاس.
الزواج ليلة و تدبيروا عام.
إلي يبدلك بالفول بدلوا بقشوروا.
بات ليلة مع الجران صبح يقرط.
إلي ماهوا في القلب ينساوه العينين.
كان مشتاق تمرة كي مات علقولوا عرجون.
ما تعايرني ما نعايرك الهم طايلني و طايلك.
جا هارب من الطامة طاح في قطاعة الروس.
العام يبان من خريفوا.
الحب في القلوب و الزواج بالمكتوب.
المحبة بالكيف مش بالسيف.
أضرب الحديد وهو حامي.
أقلب القدرة على فمها تخرج الطفلة لأمها.
إلي فاتوا الطعام يقول شبعت و إلي فاتوا الكلام يقول سمعت.
الناس تبطني وأنا نبط أختي عيشة.
المكتوب مبين من عنوانوا.
أعرضني وكول سهمي.
خوك خوك ولا يقرك صاحبك.
من عندي ومن عندك تطبع ومن جهة وحدة تقطع.
خص العمية غير الكحل.
يا المزوق من برا واش حالك من داخل.
علمناهم الصلاة سبقونا في الركعات.
مش كل أخضر حشيش ومش كل لي يبرق ذهب.
عشب الليل قع أخضر.
حجرة من عند الحبيب تفاحة.
في وجهك مرايا وفي ضهرك مقص.
نجار وبابوا مخلخل.
إلي فايتك بليلة فايتك بحيلة.
الهدرة ليك و المعنى لجارك.
أنا وخويا على بن عمي وأنا وبن عمي على البراني.
إلي مش ليك غير يعييك.
شد شينك لا يجيك أشين منوا.
إلي يدور على الشباح ما يقول آح.
إلي عينو في الغزال يبكرلوا.
ما يحس بالجمرة غير إلي كواتوا.
القديم شدوا والجديد لا تفرط فيه.
إلي فاتوا بكري يروح يكري.
كي طارمول التاج ويحتاج: أي أن الإنسان يحتاج لغيره مهما علا مقامه و لا عيب في ذلك.

*سعد الزينة في الحما و سعد الشينة في السما: القبيحة أكثر حظا من الحسناء.

*]ما يبقى في الواد غير حجارو :أي لا يصح إلا الصحيح و ما يدوم إلا الحق.[

*الدنيا بالوجوه و الآخرة بالفعايل: أي أن النفاق و استعمال الأخرين قد ينفع في قضاء حوائج الدنيا لكن لا ينفع لليوم الأخر إلا حسن العمل و العبادة.

دير الهم في الشبكة شي يطيح وشي يبقىأي ضع همك في شباك فيسقط بعضه و يبقى بعضه و هذا يقال للمواساة و للتخفيف عن الآخر.
* لسانك صنتو صانك خنتو خانك: اي أن على المرء حفظ لسانه.


و شكرا.....